白濱的2臥室別墅 - 83平方公尺/1間專用衛浴

住宿位置位於三樓，要搬行李行樓梯 樓宇位於好似廢墟既建築物，第一晚入住成個地方只有我這一戶，非常陰森恐怖 房間內還算乾淨，有溫泉水提供（非常大硫磺味) 有兩部冷暖氣，但冇放濕氣，所以開住暖氣好乾，早上屋企人鼻敏感，喉嚨痛同皮膚乾燥 廚房用具又舊又汙漕，全部油黏稠既感覺，洗衣機冇用過，用手洗完衣物，完全冇地方掠衫 入住兩晚外面都好大風，吹到露台道門好嘈，點鎖都唔實 有兩張sofa，用毛巾抹完條毛巾黑色的，三張床都太軟，訓到腰痛 我覺得最大問題係地方太少人氣，陰森恐怖，房間內又裝有太多鏡，第一日入住當晚，我個小朋友（1歲）不停喊，表現出驚恐同好似俾‘嘢’嚇親，因為本人本身對某種界別有感應，所以唯有一路對周圍啤住同表達唔好再嚇我小朋友，然後事情先緩和d，走個日我兩個小朋友同老人家都有小毛病（眼睛同口生瘡同紅腫）大人就訓得唔好同全身痛 哩樣野，信則有不信則無，自己衡量!！！最後我地成家去左附近熊野三所神社參拜，天陰既天空係我地講完我地既祈求後突然一道陽光照住我地，我感應到個種氣埸消散左 哩間host既客戶服務係ok，可惜硬件唔得，露台同浸浴位置可以睇到海景，奈何陰氣太重，就算本住“平生不作虧心事”既心情，氛圍都太唔好 另事，價錢上以白濱地區民宿黎講我覺得都比較貴，本人黎過白濱兩次，一次住梅樽酒店，另一次係梅樽番新後既key terrance，望住同一個海景，但係哩個民宿我真係用唔到享受既心情，經過哩兩晚，全家人一致認同都係住番溫泉酒店！除非你陽氣過盛或想探靈....